பிப்ரவரி 28 அன்று அமெரிக்கா மற்றும் இஸ்ரேலின் கூட்டுத் தாக்குதலில் ஈரானின் உயர்மட்டத் தலைவர் அயதுல்லா கமேனி கொல்லப்பட்டதைத் தொடர்ந்து, வெளிநாடுகளில் உள்ள ஸ்லீப்பர் செல்களை ஈரான் செயல்படுத்துவதாகக் குற்றம் சாட்டப்பட்டுள்ளது. கமேனியின் மரணத்திற்குப் பிறகு ஈரான் பல நாடுகளுக்கு மறைகுறியாக்கப்பட்ட ரகசிய செய்திகளை அனுப்பியுள்ளதாக ஏபிசி நியூஸ் தெரிவித்துள்ளது. அமெரிக்க உளவுத்துறையினர் இந்த அசாதாரண ரேடியோ அலைவரிசைகளைக் கண்டறிந்தாலும், செய்திகளின் உள்ளடக்கத்தை இன்னும் கண்டறிய முடியவில்லை.

இணையம் அல்லது மொபைல் நெட்வொர்க்குகளுக்குப் பதிலாக சிறப்பு ரேடியோ அலைகள் மூலம் அனுப்பப்படும் இந்தச் செய்திகளை குறிப்பிட்ட நபர்களால் மட்டுமே புரிந்துகொள்ள முடியும். இதன் மூலம் ஈரான் உலகளவில் பெரிய அளவிலான தாக்குதல்களைத் திட்டமிடுவதாக உளவு அமைப்புகள் கருதுகின்றன. இந்தச் சூழலில் அமெரிக்காவும் அதன் நட்பு நாடுகளும் சர்வதேச அளவில் பாதுகாப்பு மற்றும் கண்காணிப்பை தீவிரப்படுத்தியுள்ளன.