மத்திய அரசு கோடிக்கணக்கான குடிமக்களுக்காக ‘உங்கள் பணம், உங்கள் உரிமை’ (Your Money, Your Right) என்ற முக்கியமான தேசிய அளவிலான பிரச்சாரத்தை தொடங்கியுள்ளது. வங்கிகள், காப்பீட்டு நிறுவனங்கள் மற்றும் மியூச்சுவல் ஃபண்டுகளில் நீண்ட காலமாக உரிமைகோராமல் (Unclaimed) உள்ள ₹1 லட்சம் கோடிக்கும் அதிகமான தொகையை உரிய உரிமையாளர்களுக்குத் திருப்பி அனுப்புவதே இத்திட்டத்தின் முக்கிய நோக்கமாகும். இந்தப் பிரசாரம் அக்டோபர் 2025 இல் தொடங்கப்பட்டது.

உரிமைகோராத நிதியைப் பற்றிய தகவல்களைப் பெற, அரசு பல்வேறு துறைகளுக்கு தனித்தனி வலைத்தளங்களை (Portals) உருவாக்கியுள்ளது. வங்கிக் கணக்குகளுக்கு RBI-இன் UDGAM போர்ட்டல், காப்பீட்டுக்கு IRDAI-இன் Bima Bharosa மற்றும் மியூச்சுவல் ஃபண்ட் தொடர்பான தகவல்களுக்கு SEBI-இன் MITRA போர்ட்டல் பயன்படுத்தலாம். இத்திட்டத்தை அனைத்து மக்களுக்கும் கொண்டு சேர்க்கும் விதமாக நாடு முழுவதும் 477 மாவட்டங்களில் சிறப்பு முகாம்களும் ஏற்பாடு செய்யப்பட்டுள்ளன.