உங்களுக்கு அடிக்கடி தாகம் அல்லது சிறுநீர் கழிக்கும் உணர்வு ஏற்படுகிறதா? அல்லது திடீரென சோர்வாக உணர்கிறீர்களா? இவை நீரிழிவு நோயின் ஆரம்ப அறிகுறிகளாக இருக்கலாம். குடும்பத்தில் யாருக்கும் இல்லாவிட்டாலும், சிலருக்கு இந்த நோய் உடலில் அமைதியாகப் பரவக்கூடும். சரியான நேரத்தில் கண்டறியப்படாமல் இருந்தால், அது சிறுநீரகம், கல்லீரல் மற்றும் கண்களுக்குப் பெரும் பாதிப்பை ஏற்படுத்தும். அதனால் சில பொதுவான அறிகுறிகளை அறிந்து கொள்வது அவசியம்.

சாதாரணமாக ஏற்படும் காயங்கள் ஆற அதிக நேரம் எடுத்தாலோ அல்லது அடிக்கடி சிறுநீர் கழிக்க வேண்டிய தேவை ஏற்பட்டாலோ அது இரத்த சர்க்கரையின் அளவு அதிகரிப்பதற்கான அறிகுறியாக இருக்கலாம். மேலும், கடுமையான சோர்வு, அடிக்கடி பசி உணர்வு, கழுத்து மற்றும் அக்குள் பகுதியில் கருமையான திட்டுகள் ஏற்படுவது போன்றவையும் இதன் அறிகுறிகளாகும். இத்தகைய அறிகுறிகள் தென்பட்டால், உடனடியாக மருத்துவரை அணுகுவது நல்லது. சரியான நேரத்தில் சிகிச்சை பெறுவதன் மூலம் பெரிய ஆபத்துகளைத் தவிர்க்க முடியும்.