அலுவலகத்தில் தொடர்ந்து வேலை செய்வதால் ஏற்படும் அழுத்தம் (பர்ன்அவுட்), கவனம் சிதைவு மற்றும் வேலை வேகக் குறைவு ஆகியவற்றை நீங்கள் உணர்கிறீர்களா? பணித் தரத்தை பராமரிக்கவும், பிழைகளைத் தவிர்க்கவும் நிபுணர்கள் இப்போது ’45:15 நிமிட விதி’ என்ற தனித்துவமான ஓய்வு உத்தியைப் பரிந்துரைக்கின்றனர். இது மன அழுத்தத்தைக் குறைத்து, வேலையில் முழுமையாக கவனம் செலுத்த உங்களுக்கு உதவும்.

அறிவாற்றல் அறிவியலை (Cognitive Science) அடிப்படையாகக் கொண்ட இந்த முறையில், ஒவ்வொரு மணி நேரமும் இரண்டு பகுதிகளாகப் பிரிக்கப்படுகிறது. முதல் 45 நிமிடங்கள் அதிக கவனத்துடன் தொடர்ந்து வேலை செய்ய வேண்டும், இது பெரும்பாலான நபர்களின் அதிகபட்ச கவன வரம்புடன் ஒத்துப்போகிறது. அதன்பிறகு 15 நிமிடங்கள் கட்டாய ஓய்வு எடுக்க வேண்டும், அப்போது நாற்காலியை விட்டு எழுந்து நடப்பது அல்லது லேசான உடற்பயிற்சி செய்வது மூளைக்கு ஓய்வளிக்க உதவும். இந்த நடைமுறை வேலையின் தரத்தை மேம்படுத்துவதோடு, அதிக சோர்வு ஏற்படுவதைத் தவிர்த்து நாள் முழுவதும் உற்சாகமாக இருக்க உதவுகிறது.