ஈரான் மீதான அமெரிக்காவின் போர் நடவடிக்கையால் சர்வதேச அளவில் எரிபொருள் நெருக்கடி ஏற்பட்டுள்ளது. இதன் விளைவாக அமெரிக்க பங்குச்சந்தை சுமார் 1 டிரில்லியன் டாலர் இழப்பை சந்தித்துள்ளது. ஏப்ரல் 6 வரை தாக்குதல் இல்லை என அதிபர் டிரம்ப் அறிவித்த போதிலும், கச்சா எண்ணெய் விலை உயர்வால் முதலீட்டாளர்கள் தங்கள் பங்குகளை அவசரமாக விற்று வருகின்றனர்.

இந்த பொருளாதார சரிவு இந்திய சந்தையிலும் எதிரொலிக்கும் என நிபுணர்கள் எச்சரிக்கின்றனர். கச்சா எண்ணெய் விலை உயர்வால் பெட்ரோல், டீசல் விலை அதிகரித்து போக்குவரத்து மற்றும் பிளாஸ்டிக் பொருட்களின் விலை உயரக்கூடும். இது சாதாரண மக்களின் அன்றாட வாழ்க்கை மற்றும் ஒட்டுமொத்த பொருளாதாரத்தில் கடுமையான பாதிப்புகளை ஏற்படுத்தும் என எதிர்பார்க்கப்படுகிறது.