ஈரானின் பொருளாதார மையமான கார்க் தீவில் அமெரிக்கப் படைகள் நடத்திய வான்வழித் தாக்குதலில் அனைத்து ராணுவ இலக்குகளும் முற்றிலுமாக அழிக்கப்பட்டதாக அதிபர் டொனால்ட் ட்ரம்ப் தெரிவித்துள்ளார். தனது உத்தரவின் பேரில் நடத்தப்பட்ட இந்த நடவடிக்கை மத்திய கிழக்கின் மிக சக்திவாய்ந்த தாக்குதல்களில் ஒன்று என்று அவர் குறிப்பிட்டுள்ளார். இருப்பினும், மனிதாபிமான அடிப்படையில் எண்ணெய் உள்கட்டமைப்புகள் தற்போது தாக்கப்படவில்லை என அவர் கூறினார்.

ஹார்முஸ் ஜலசந்தியில் கப்பல் போக்குவரத்திற்கு ஈரான் இடையூறு விளைவித்தால், அதன் எண்ணெய் நிலையங்களும் அழிக்கப்படும் என ட்ரம்ப் எச்சரித்துள்ளார். ஈரானின் கச்சா எண்ணெய் ஏற்றுமதி மையமான கார்க் தீவு மீதான இந்த தாக்குதலால் மத்திய கிழக்கில் பதற்றம் அதிகரித்துள்ளது. இது உலக சந்தையில் பெரும் தாக்கத்தை ஏற்படுத்தியுள்ள நிலையில், இரு நாடுகளுக்கும் இடையிலான மோதல் உச்சகட்டத்தை எட்டியுள்ளது.