இந்தியாவில் ஒரு தனித்துவமான ஆறு உள்ளது, அங்குள்ள உள்ளூர்வாசிகள் தலைமுறைகளாகத் தங்கம் தேடி தங்கள் வாழ்வாதாரத்தை ஈட்டி வருகின்றனர். ஜார்க்கண்ட் மாநிலத்தின் ரத்னகர்பா பகுதியில் அமைந்துள்ள ‘சுவர்ணரேகா’ ஆறும், அதன் கிளை நதியான கர்கரியிலும் இன்றும் தங்கத் துகள்கள் கிடைப்பதாகக் கூறப்படுகிறது. இந்த ஆறு ஜார்க்கண்ட், மேற்கு வங்கம் மற்றும் ஒடிசாவின் சில பகுதிகள் வழியாகப் பாய்கிறது. கர்கரி ஆற்றில் இருந்து தங்கத் துகள்கள் அடித்து வரப்பட்டு சுவர்ணரேகாவில் சேர்வதாக உள்ளூர்வாசிகள் நம்புகின்றனர்.

வேலை தேடி வேறு எங்கும் செல்லாமல், பல ஏழை மக்கள் தினமும் காலையில் பைகளுடன் இங்கு வந்து ஆற்றில் தங்கம் தேடுகின்றனர். தலைமுறை தலைமுறைக்குச் சொத்துச் சேர்க்கும் அளவுக்கு அதிக தங்கம் கிடைக்காவிட்டாலும், நாள்தோறும் சில கிராம் தங்கத்தைக் கண்டுபிடித்து தங்கள் அன்றாட வாழ்க்கைத் தேவைகளைப் பூர்த்தி செய்து கொள்கின்றனர். பொருளாதார நெருக்கடியான காலங்களில் கூட, இந்தச் சிறிய அளவிலான தங்கம் உள்ளூர்வாசிகளுக்கு வாழ்வாதாரத்தின் முக்கிய ஆதாரமாக உள்ளது.