அமெரிக்காவின் டெக்ஸாஸ் மாகாணத்தில் கடந்த 50 ஆண்டுகளில் இல்லாத வகையில் புதிய எண்ணெய் சுத்திகரிப்பு நிலையம் அமைய உள்ளது. சுமார் 300 பில்லியன் டாலர் மதிப்பிலான இந்த பிரம்மாண்ட திட்டத்திற்காக இந்தியாவின் ரிலையன்ஸ் நிறுவனத்திற்கு அதிபர் டொனால்ட் டிரம்ப் நன்றி தெரிவித்துள்ளார். வரி குறைப்பு மற்றும் எளிமையான அரசு நடைமுறைகள் காரணமாகவே இந்த வரலாற்று ஒப்பந்தம் சாத்தியமானதாக அவர் குறிப்பிட்டுள்ளார்.

இந்த புதிய சுத்திகரிப்பு நிலையம் அமெரிக்காவின் எரிசக்தி பாதுகாப்பை வலுப்படுத்துவதுடன், ஆயிரக்கணக்கானோருக்கு வேலைவாய்ப்புகளை உருவாக்கித் தரும். நவீன தொழில்நுட்பத்துடன் அமையவுள்ள இந்த நிலையம் மூலம் அமெரிக்கா உலகளாவிய ஏற்றுமதி சந்தையில் தனது ஆதிக்கத்தை நிலைநாட்டும். இது அமெரிக்க பொருளாதார வளர்ச்சியில் ஒரு மைல்கல்லாக அமையும் என டிரம்ப் தனது சமூக ஊடகப் பக்கத்தில் பதிவிட்டுள்ளார்.