அமெரிக்க அதிபர் டொனால்ட் டிரம்ப் நிதிப் பொதி மசோதாவில் கையெழுத்திட்டதைத் தொடர்ந்து, 43 நாட்களாக நீடித்த நாட்டின் மிக நீண்ட ‘ஷட் டவுன்’ முடிவுக்கு வந்தது. செவ்வாயன்று செனட்டில் பெரும்பான்மையுடன் மசோதா நிறைவேற்றப்பட்ட பிறகு, புதன்கிழமை அன்று பிரதிநிதிகள் சபையிலும் அது அங்கீகரிக்கப்பட்டு டிரம்பிடம் அனுப்பப்பட்டது. இந்த நீண்டகால ஸ்தம்பிதம் காரணமாக அமெரிக்காவில் அனைத்து அரசாங்க நடவடிக்கைகளும் நிறுத்தப்பட்டன, மேலும் கூட்டாட்சி ஊழியர்களின் ஊதியமும் நிறுத்திவைக்கப்பட்டிருந்தது.

இந்தச் சரித்திரப் பூர்வமான ‘ஷட் டவுன்’ காரணமாக அமெரிக்கப் பொருளாதாரத்திற்கு இந்திய மதிப்பில் சுமார் ₹1.32 இலட்சம் கோடி இழப்பு ஏற்பட்டுள்ளதாகக் கூறப்படுகிறது. புதிய நிதியாண்டுக்கான நிதி ஒதுக்கீடு குறித்து குடியரசுக் கட்சி மற்றும் ஜனநாயகக் கட்சி செனட்டர்களிடையே ஒருமித்த கருத்து எட்டப்படாததால் இந்தக் குழப்பம் ஏற்பட்டது. டிசம்பர் 22, 2018 முதல் ஜனவரி 25, 2019 வரை நீடித்த முந்தைய ‘ஷட் டவுன்’ சாதனையை இந்தப் புதிய காலம் முறியடித்துள்ளது.