மும்பை வான்கடே மைதானத்தில் உணவு உட்கொண்ட பிறகு உடல்நலம் பாதிக்கப்பட்ட இளம் வீரர் அபிஷேக் சர்மா, தற்போது மருத்துவமனையிலிருந்து வீடு திரும்பியுள்ளார். இருப்பினும், உடல் எடை குறைந்துள்ளதால் அவரது தசை வலிமை மற்றும் உடற்தகுதி குறித்து பெரும் கேள்விக்குறி எழுந்துள்ளது.

பாகிஸ்தானுக்கு எதிரான உயர்மட்டப் போட்டிக்கு முன்னதாக அவர் முழுமையாக குணமடைவாரா என்பது சந்தேகமாக உள்ளது. இதனால் இந்திய அணியின் தொடக்க ஆட்டக்காரர் வரிசையில் மாற்றம் செய்ய வேண்டிய கட்டாயம் ஏற்பட்டுள்ளது. அபிஷேக்கின் உடற்தகுதியை மீட்டெடுக்க தனிப்பட்ட பயிற்சியாளர் வரவழைக்கப்பட்டாலும், நமீபியாவுக்கு எதிரான போட்டியில் அவர் பங்கேற்பது கடினம் என்றே தெரிகிறது.

அபிஷேக் சர்மா களமிறங்கவில்லை என்றால், அவருக்குப் பதிலாக சஞ்சு சாம்சன் தொடக்க வீரராகக் களம் காணத் தயாராக வைக்கப்பட்டுள்ளார். பரம எதிரியான பாகிஸ்தானுடன் மோதும் வேளையில், அணியின் முக்கிய வீரர் ஒருவரின் உடல்நிலை ரசிகர்களிடையே பெரும் கவலையை ஏற்படுத்தியுள்ளது.