மகாராஷ்டிராவின் பாராமதியில் நிகழ்ந்த அஜித் பவாரின் விமான விபத்து குறித்த விசாரணை இறுதிக்கட்டத்தை எட்டியுள்ளது. விமானத்தின் பிளாக் பாக்ஸ் தரவுகள் மீட்கப்பட்டுள்ள நிலையில், வரும் பிப்ரவரி 28-க்குள் முதற்கட்ட அறிக்கை தாக்கல் செய்யப்படும் என்று மத்திய அமைச்சர் முரளிதர் மோஹோல் உறுதிப்படுத்தியுள்ளார். சர்வதேச விதிகளின்படி இந்த ஆய்வு தீவிரமாக நடைபெற்று வருகிறது.

விபத்துக்குள்ளான லியர்ஜெட் 45 விமானத்தின் வாய்ஸ் ரெக்கார்டர் சேதமடைந்துள்ளதால் தொழில்நுட்ப வல்லுநர்களின் உதவி நாடப்பட்டுள்ளது. இதற்கிடையில், இந்த விபத்தில் சதி இருப்பதாக ரோஹித் பவார் குற்றம் சாட்டியுள்ளதால் பரபரப்பு ஏற்பட்டுள்ளது. தற்போது சம்பந்தப்பட்ட தனியார் விமான நிறுவனத்தின் பாதுகாப்பு விதிமுறைகள் குறித்து டிஜிசிஏ விரிவான தணிக்கையை மேற்கொண்டு வருகிறது.