தென்னாப்பிரிக்காவுக்கு எதிரான முதல் டி20 போட்டிக்கு முன், இந்திய அணியின் துணை கேப்டன் சுப்மன் கில் அணிக்குத் திரும்பியுள்ளார். கில்லின் கழுத்து வலி காரணமாக அவர் டெஸ்ட் மற்றும் ஒருநாள் தொடர்களில் இருந்து விலகியிருந்தார். எனினும், அவர் பிசிசிஐயின் உயர்நிலை மையத்தில் (CoE) தனது உடற்தகுதித் தேர்வில் தேர்ச்சி பெற்றுள்ளார். இதன் மூலம் டி20 தொடருக்கு அவர் தயாராக உள்ளார். தலைமைப் பயிற்சியாளர் கவுதம் கம்பீர், கில் விளையாடத் தயாராகவும், ரன்கள் குவிக்க ‘பசியாகவும்’ இருப்பதாகவும் உறுதிப்படுத்தியுள்ளார்.

இதற்கிடையில், டி20 தொடரின் கேப்டன் ஹர்திக் பாண்டியா மற்ற வீரர்களை விட முன்னதாகவே புவனேஷ்வர் சென்றடைந்துள்ளார். உள்ளூர் ஊடகங்களின் தகவல்படி, ஹர்திக் கட்டாக்கில் உள்ள பாராபதி மைதானத்தில் ஞாயிற்றுக்கிழமை மாலை ‘மூடிய கதவுகளுக்கு’ பின்னால் பயிற்சி செய்துள்ளார். ஒருநாள் தொடரில் இடம்பெற்றிருந்த டி20 அணியின் வீரர்கள், தனி விமானம் மூலம் விசாகப்பட்டினத்தில் இருந்து புவனேஷ்வர் சென்றடைந்தனர்.