નાસાના અંતરિક્ષયાત્રી સુનીતા વિલિયમ્સ અને બુચ વિલમોર આખરે દસ મહિના પછી પૃથ્વી પર પરત આવવા તૈયાર છે. તેમનું મિશન માત્ર આઠ દિવસનું હતું, પરંતુ બોઇંગ સ્ટારલાઇનરમાં કેટલીક તકનીકી સમસ્યાઓને કારણે તેમને વધુ સમય આંતરરાષ્ટ્રીય સ્પેસ સ્ટેશન પર રોકાવું પડ્યું. દીર્ઘ સમય વજનહીન પરિસ્થિતિમાં રહીને પૃથ્વી પર પાછા આવવું સહેલું નથી.

પૃથ્વી પર પાછા આવ્યા પછી, અંતરિક્ષયાત્રીઓને ‘બેબી ફીટ’ જેવી શારીરિક સ્થિતિનો સામનો કરવો પડે છે. વજનહીનતા કારણે તેમના પગની ત્વચા પરની કઠણતા ગાયબ થઈ જાય છે, જેનાથી પગ નાજુક બની જાય છે. આ ઉપરાંત, માથું ચકરાવવું, ઉલ્ટી થવી જેવી તકલીફો પણ સામાન્ય છે. નાસાના ભૂતપૂર્વ અંતરિક્ષયાત્રી લિરોય ચિયાઓ અનુસાર, આ પરિસ્થિતિમાં લાગે છે કે પગની ત્વચાની મજબૂતી ગુમાવી દીધી છે. અંતરિક્ષયાત્રી ટેરી વર્ટ્સે આ અનુભવની તુલના ફ્લૂ સાથે કરી છે.

તેમના વિલંબિત પરત ફરવાના કારણે રાજકીય વાદ-વિવાદ પણ શરૂ થયા છે. ડોનાલ્ડ ટ્રમ્પ અને એલોન મસ્કે બાયડેન પ્રશાસન પર આ વિલંબ માટે આરોપ લગાવ્યો છે. હવે નાસાએ જાહેરાત કરી છે કે ૧૬ માર્ચે SpaceX Dragon કેપ્સુલ દ્વારા તેઓ પૃથ્વી પર પરત ફરશે.